ՀՀ կրթության, գիտության, մշակույթի և սպորտի նախարարություն Բարձրագույն կրթության և գիտության կոմիտե

ՀՀ ԿԳՄՍ նախարարի 2023 թ․ նոյեմբերի 02-ի N 2275-Ա/2 հրամանով հաստատվել է 2023թ. օգոստոսի 11-ին հայտարարված «Գիտական և գիտատեխնիկական գործունեության պայմանագրային (թեմատիկ) ֆինանսավորման շրջանակներում երկակի նշանակության ծրագրերի աջակցության գիտական թեմաների հայտերի ընտրության» 2023թ. երկրորդ մրցույթի արդյունքում ֆինանսավորման երաշխավորված գիտական թեմաների ցանկը։

Մրցույթն ուղղված է երկակի նշանակության հետազոտությունների և կարողությունների ամրապնդմանը և զարգացմանը։ Մրցույթի շրջանակներում հաշվի է առնվել գիտական նախագծերի՝ հեռանկարային և իրագործելի լինելը, ինչպես նաև կիրառելիությունը թե՛ քաղաքացիական նպատակների, թե՛ ռազմական կարիքների համար։

Մրցույթին մասնակցելու համար Բարձրագույն կրթության և գիտության կոմիտե է ներկայացվել 23 հայտ, ֆինանսավորման է երաշխավորվել 9 նախագիծ:

Նախագծերի ֆինանսավորումը կսկսվի 2023 թ. նոյեմբերից: Իրականացման տևողությունը 24 ամիս է։