Կին ղեկավարների առաջխաղացմանն ուղղված մրցույթի արդյունքում կֆինանսավորվի 31 գիտական նախագիծ
![](thumbs/460x/images/2024-08/1b1be147baaa825ca092ff3bea49ff3a.png)
ՀՀ ԿԳՄՍ նախարարի 2024 թ. օգոստոսի 02-ի N 1394-Ա/2 հրամանով հաստատվել է «Կին ղեկավարների առաջխաղացմանն ուղղված ծրագիր 2024» մրցույթի արդյունքում ֆինանսավորման երաշխավորված գիտական նախագծերի ցանկը:
Մրցույթի արդյունքում ֆինանսավորման է երաշխավորվել 31 եռամյա նախագիծ՝ գիտական և գիտատեխնիկական գործունեության բոլոր բնագավառներում ներկայացված 47 հայտերից:
Թեմաների ֆինանսավորման մեկնարկը ակնկալվում է 2024 թ. օգոստոսից:
Հիշեցնենք, որ գիտության ոլորտի ղեկավար պաշտոններում կանանց կարողությունների զարգացմանն ուղղված մրցույթն իրականացվում է արդեն երկրորդ անգամ:
2020 թ. մրցույթի արդյունքում ֆինանսավորման էր երաշխավորվել 15 նախագիծ, որի համեմատ 2024 թ.-ին ֆինանսավորման երաշխավորված նախագծերի թիվը կրկնապատկվել է: