ՀՀ կրթության, գիտության, մշակույթի և սպորտի նախարարություն Բարձրագույն կրթության և գիտության կոմիտե

Գիտական և նորարարական գործընկերությանն աջակցման կենտրոնը (ԳՆԳԱԿ) հայտարարում է ճանապարհորդական դրամաշնորհներ, որոնք հնարավորություն կընձեռեն ՀՀ գիտնականներին մասնակցելու Հորիզոն Եվրոպա (ՀԵ) ծրագրի թեմատիկ կլաստերների մրցույթներին նվիրված բրոքերային միջոցառումներին, որոնք իրականացվում են ՀԵ-ի կողմից ֆինանսավորվող NCP_WIDERA.NET նախագծի շրջանակներում: Դրամաշնորհների տրամադրման նպատակն է ՀԵ ծրագրի թեմատիկ կլաստերների մրցույթների գիտահետազոտական նախագծերին Հայաստանի դիմորդների մասնացությունը խթանելը։

Մասնակցության պայմաններն են՝

• լինել գիտահետազոտական ինստիտուտի, համալսարանի, ՓՄՁ-ի, ՀԿ-ի կամ Հայաստանում գրանցված և գիտահետազոտական և/կամ նորարարական գործունեությամբ զբաղվող այլ կազմակերպության աշխատակից,

• ունենալ գիտական աստիճան և/կամ առնվազն երեք տարվա գիտահետազոտական գործունեության փորձ,

• տիրապետել անգլերենին։

Առաջնահերթություն կտրվի՝

• նախագծերի հավանական համակարգողներին,

• աշխատանքային փաթեթների հավանական ղեկավարներին կամ նախագծերում ներդրում ունեցողներին,

• նրանց, ովքեր պատրաստվում են ներկայացնել նախագծերի գաղափարներ և/կամ հանդես գալ բանավոր զեկույցներով,

• նախկինում միջազգային համագործակցության փորձ ունեցող թեկնածուներին:

Մեկ ճամփորդության համար նախատեսվում է տրամադրել 1000 եվրոն չգերազանցող դրամաշնորհ (50% նախնական ֆինանսավորում և այլ ճանապարհորդական ծախսերի փոխհատուցում՝ փաստացի ծախսերի հիման վրա): 

Փոխհատուցում ստանալու համար թեկնածուն վերադարձից հետո 10 օրվա ընթացքում պետք է ներկայացնի փոխհատուցման հայտ՝ կցված համապատասխան հիմնավորող փաստաթղթերով, ներառյալ լրացված հաշվետվության ձևը և բոլոր համապատասխան օժանդակ ֆինանսական փաստաթղթերը (տոմս, կեցության/վիզայի ծախսեր և այլն):

Պահանջվող փաստաթղթերն են՝

• լրացված հայտադիմումի օրինակ,

• կարճ ինքնակենսագրական (CV),

• հրավեր/գրանցման հաստատում/միջոցառման օրակարգ։

Անհրաժեշտ է հայտերը ներկայացնել  բրոքերային միջոցառումից առնվազն 25 օր առաջ՝ կազմակերպչական հարցերը ժամանակին կարգավորելու նպատակով:

Բոլոր թեկնածուները կտեղեկացվեն դիմումը բավարարելու կամ մերժելու որոշման մասին: Շահառուների ընտրությունը կիրականացվի գենդերային հավասարության սկզբունքով։

Դիմումի փաստաթղթերը պետք է ներկայացվեն info@sipac.am և tigran.arzumanyan@sipac.am էլ. հասցեներին։

Մրցույթը բաց է հրապարակման օրվանից մինչև հատկացված բյուջեի սպառումը, որի մասին կլինի լրացուցիչ հայտարարություն։

Այլ մանրամասներ՝ bit.ly/travel_grants