ՀՀ կրթության, գիտության, մշակույթի և սպորտի նախարարություն Բարձրագույն կրթության և գիտության կոմիտե

Լեհ-ամերիկյան ազատության հիմնադրամի և «Փոփոխությունների առաջնորդներ» հիմնադրամի կողմից հայտարարվում է Կիրկլանդի հետազոտական ծրագրի 2021 թ. մրցութային հայտերի ընդունելությունը:

Ծրագրի շրջանակներում գիտական աստիճան ունեցող և ակադեմիական պաշտոն զբաղեցնող մասնագետներին կտրամադրվի կրթաթոշակ` 2021-2022 ուսումնական տարվա ընթացքում Լեհաստանում 1 կիսամյակ (սեպտեմբերից հունվար) հետազոտություն կատարելու նպատակով: Կրթաթոշակի շահառուները կմասնակցեն գիտական սեմինարների, ինչպես նաև անհատական աշխատանք կկատարեն` գիտական ղեկավարի խորհրդատվությամբ: Հետազոտության արդյունքում պահանջվում է գիտական հոդվածի հրապարակում: Հետազոտությունը պետք է վերաբերի հետևյալ ոլորտներին.

-    տնտեսագիտություն և կառավարում,

-    կառավարում բիզնեսում, հասարակական կազմակերպություններում, մշակույթի, կրթության և առողջապահության ոլորտներում,

-   պետական կառավարում (պետական և տեղական ինքնակառավարման մարմիններ),

-   իրավագիտություն,

-   սոցիալական գիտություններ (սոցիալական հոգեբանություն, սոցիոլոգիա),

-   քաղաքագիտություն և միջազգային հարաբերություններ,

-   շրջակա միջավայրի և կլիմայի պաշտպանություն,

-   անվտանգության և կիբերանվտանգության խնդիրներ,

-   հակաճգնաժամային կառավարում,

-   զարգացման քաղաքականություն և մարդասիրական օգնություն:

Թեկնածուներին ներկայացվող պահանջներն են՝

-   Հայաստանի Հանրապետության կամ հրավերում նշված այլ երկրներից մեկի քաղաքացիություն,

-   մինչև 45 տարեկան,

-   գիտահետազոտական աշխատանքի փորձ` առնվազն 2 տարի,

-   նախկին` 6 ամիս և ավելի տևողությամբ արտասահմանյան կրթաթոշակի ավարտից հետո առնվազն 2 տարվա ընդմիջում,

-   գիտական ձեռքբերումներ, այդ թվում` հրապարակումներ,

-   լեհերենի կամ անգլերենի` առնվազն B2 մակարդակի իմացություն (անգլերենի` B2 մակարդակի իմացության դեպքում անհրաժեշտ է առնվազն A1 մակարդակի լեհերենի իմացություն):

Մանրամասներին կարելի է ծանոթանալ կցվող հրավերից, ինչպես նաև` այցելելով www.kirkland.edu.pl կայքէջ կամ նամակ գրելով kirkland@kirkland.edu.pl էլ. փոստին:

Հայտադիմումների ընդունման վերջնաժամկետը 2021 թ. մարտի 1-ն է:

 

Լեյն Կիրկլանդի անվան կրթաթոշակային ծրագրի շրջանակներում 2021-2022 ուսումնական տարվա համար առաջարկվում է նաև  կրթաթոշակ ասպիրանտների համար, որի մասին կարող եք տեղեկանալ ՀՀ ԿԳՄՍ նախարարության կայքից: