ՀՀ կրթության, գիտության, մշակույթի և սպորտի նախարարություն Բարձրագույն կրթության և գիտության կոմիտե

Բուլղարիայի Հանրապետության կրթության և գիտության նախարարությունը Հայաստանի ուսանողներին և մասնագետներին հնարավորություն է ընձեռում մասնակցելու օտարերկրյա քաղաքացների համար բուլղարերենի, գրականության և մշակույթի ամենամյա ամառային միջազգային սեմինարներին: Վերջիններս կազմակերպում են՝

   - Սոֆիայի «Սբ. Կլիմենտ Օհրիդսկի» համալսարանը՝ 15.07.2024 – 04.08.2024 ժամանակահատվածում (մեկ տեղ),

   - Վելիկո Տառնովոյի «Սբ. Կիրիլ և Մեթոդիոս» համալսարանը՝ 14.07.2024 – 03.08.2024 ժամանակահատվածում (մեկ տեղ):

Բուլղարական կողմը կհոգա մասնակիցների սննդի և կացության ծախսերը, ինչպես նաև կկազմակերպի վերապատրաստման դասընթացներ և կիրականացնի մշակութային ծրագրեր: Ճանապարհածախսը, տրանսպորտային ծախսերը և բժշկական ապահովագրությունը կհոգա ուղարկող կողմը կամ մասնակիցը: Լրացուցիչ տեղեկությունների համար անհրաժեշտ է կապ հաստատել Վլադիմա Պապովա-Նատովայի հետ հետևյալ էլ. հասցեով՝ vpapova@mon.bg կամ հեռախոսահամարով՝ +359 2/921 7582:        

Լրացված հայտը մասնակիցը պետք է ուղարկի Հայաստանի Հանրապետությունում Բուլղարիայի Հսանրապետության դեսպանատուն մինչև ս.թ. ապրիլի 10-ը:

Մանրամասներ