ՀՀ կրթության, գիտության, մշակույթի և սպորտի նախարարություն Բարձրագույն կրթության և գիտության կոմիտե

Ինչպես տեղեկանում են ԳՆԳԱԿ հիմնադրամի կայքից, հրապարակվել են 2025թ․ նախատեսված «Հորիզոն Եվրոպա» ծրագրի նոր բրոքերային միջոցառումներ՝

- Սնունդ, կենսատնտեսություն, բնական ռեսուրսներ, գյուղատնտեսություն և մաքուր միջավայր՝ առողջ կյանքի համար – 2025թ. փետրվարի 13 – Լյուբլյանա, Սլովենիա

Բրոքերային միջոցառումը հնարավորություն կընձեռի մասնակիցներին ներկայացնել իրենց նախագծերը և հաստատել կապեր սննդի, կենսատնտեսության, բնական ռեսուրսների, գյուղատնտեսության և շրջակա միջավայրի ոլորտների գիտնականների և գիտահետազոտական հաստատությունների հետ: Մասնակիցները կունենան նաև հնարավորություն կազմելու կոնսորցիումներ «Հորիզոն Եվրոպա» ծրագրի և այլ եվրոպական ծրագրերի առաջիկա միջազգային մրցույթներին դիմելու համար: «Հորիզոն Եվրոպա» ծրագրի շրջանակներում միջոցառումը կանդրադառնա մասնավորապես Բաղադրիչ III-ին՝  Եվրոպական նորարարության խորհրդին (EIC), ԵՄ առաքելություններին (EU Missions) և Բաղադրիչ II-ին՝ կլաստեր 6-ին՝ Պարեն, կենսատնտեսություն, բնական ռեսուրսներ, գյուղատնտեսություն և շրջակա միջավայր

- «Մաքուր ավիացիա» նախաձեռնության «PITCH-ATHLON: Pitch & Connect» միջոցառում – 2025 թ. փետրվարի 13 – Բրյուսել, Բելգիա

«Մաքուր ավիացիա» նախաձեռնությունը կազմակերպում է «PITCH-ATHLON» միջոցառումը՝ նախատեսված իր 3-րդ մրցույթով հետաքրքրված կազմակերպությունների համար, որը կմեկնարկի 2025 թվականի փետրվարին: Մրցույթի շրջանակներում կտրամադրվի մինչև 380 միլիոն եվրո ԵՄ ֆինանսավորում՝ աջակցելու ավիացիայի դեկարբոնիզացման նորարարական նախագծերին: Միջոցառումը մասնակիցներին հնարավորություն կընձեռի ներկայացնելու իրենց նորարարական գաղափարները և հաստատելու նոր համագործակցություններ՝ նախաձեռնության 3-րդ մրցույթին դիմելու համար: Միջոցառմանը փիթչինգի մասնակիցների ֆիզիկական ներկայությունը պարտադիր է:

Հաջող հետազոտություն և նորարարություն Եվրոպայում 2025. եվրոպական 12-րդ բորքերային միջոցառում – 2025թ. մարտի 6-7 – Դյուսելդորֆ, Գերմանիա

Հետազոտական և նորարարական այս 12-րդ համաժողովը նպատակ ունի մեկտեղել գիտնականեերի և ձեռնարկատերերի ամբողջ Եվրոպայից՝ հաստատելու նոր համագործակցություններ «Հորիզոն Եվրոպա» ծրագրի մրցույթներին դիմելու համար: Միջոցառման ընթացքում մասնակիցները հնարավորություն կունենան ներկայացնել նորարարկան գաղափարներ և կիսվել իրենց փորձով տարբեր թեմատիկ կլաստերների շուրջ, ինչպիսիք են առողջապահությունը, ստեղծարարական արդյունաբերությունները, թվային և արդյունաբերական տեխնոլոգիաները, էներգետիկան և շարժունակությունը, պարենը, կենսատնտեսությունը, բնական ռեսուրսները, գյուղատնտեսությունն ու շրջակա միջավայրը, և նորարարական գնումները (PCP/PPI): Միջոցառմանը կարող են մասնակցել համալսարանների, հետազոտական ինստիտուտների և ՓՄՁ-ների ներկայացուցիչներ:

Լրացուցիչ տեղեկությունների և գրանցման համար խնդրում ենք այցելել ԳՆԳԱԿ հիմնադրամի կայք։

ՈՒՇԱԴՐՈՒԹՅՈՒՆ․ Միջոցառումներին գրանցված հայաստանյան մասնակիցները կարող են դիմել ԳՆԳԱԿ հիմնադրամ՝ ճանապարհորդական դրամաշնորհ ստանալու համար. NCP_WIDERA.NET ճանապարհորդական դրամաշնորհ: