Կոմիտեում ավարտվեցին քննարկումները
![](thumbs/460x/images/2019-02/a4bdd42edad95b288ba9f326f4fbdf6b.jpg)
![image description](thumbs/460x330/attachments/2019-02/072433177a80ce3989d81dae16519646.jpg)
![image description](thumbs/460x330/attachments/2019-02/6ffc8477af56a4d47d630f3d67febb1a.jpg)
![image description](thumbs/460x330/attachments/2019-02/de451a475c0685f95ae8b174b1f3cf7c.jpg)
![image description](thumbs/460x330/attachments/2019-02/3db6d405fa9edc64501d8e02e3d29a3a.jpg)
ՀՀ ԿԳՆ գիտության կոմիտեում ավարտվեց ՀՀ գիտական կամ գիտատեխնիկական պետական կազմակերպությունների գիտական և գիտատեխնիկական գործունեության արդյունավետության գնահատման, տարակարգման և ՀՀ պետական բյուջեի գիտական և գիտատեխնիկական գործունեության բազային ֆինանսավորման հիմնական սկզբունքների և չափանիշների սահմանման վերաբերյալ քննարկումների առաջին փուլը:
ՀՀ ԿԳՆ գիտության կոմիտեն նախագծի վերաբերյալ փետրվարի 21-ից քննարկումներ էր կազմակերպել: Փետրվարի 28-ին ամփոփվեցին նախկին երկու հանդիպումների ընթացքում հնչած տեսակետները:
Ընդհանուր առմամբ քննարկումները լայն արձագանք են գտել գիտական հանրության շրջանակներում, անցնել են բազմամարդ ու ակտիվ:
Բոլոր 3 հանդիպումների ընթացքում մանրամասն ներկայացվել է նախագիծը՝ անդրադարձել են դրույթներից յուրաքանչյուրին, գնահատման չափանիշներին, ֆինանսավորման սկզբունքներին և հատկացվող չափաբաժինների բաշխմանը: Կոմիտեի ներկայացուցիչները մշտապես կոչ են արել լինել առավել ակտիվ, հանդես գալ առաջարկներով, հատկապես՝ գրավոր:
Հիշեցնենք, որ նախագծին կարող եք ծանոթանալ հետևյալ հղումով` http://scs.am/files/naghagits-ardyunavetutyun.pdf: Առաջարկությունները կարող եք ուղարկել info@scs.am էլեկտրոնային հասցեին:
Լրացուցիչ հարցերի համար կարող եք զանգահարել 210-140 (122) համարով, աշխատանքային օրերին, ժամը 14.00-17.00: