ՀՀ կրթության, գիտության, մշակույթի և սպորտի նախարարություն Բարձրագույն կրթության և գիտության կոմիտե

STEM ոլորտում կանանց հնարավորությունները ընդլայնելու նպատակով Բրիտանական խորհուրդը հայտարարում է «Կանայք STEM ոլորտում» կրթաթոշակային ծրագիրը:

Ծրագրի նպատակն է կրթաթոշակներ տրամադրել տաղանդավոր կին գիտնականներին՝ Մեծ Բրիտանիայում մագիստրոսական որակավորում ստանալու համար, որը կնպաստի վերջիններիս կարիերայի հաջողություններին գլոբալ մակարդակով: 

Այս տարի ծրագիրը տրամադրում է 25 կրթաթոշակ 12 երկրում՝ առաջին անգամ ներառելով Հայաստանը: Կրթաթոշակը հնարավորություն կտա մասնակիցներին հոգալու ամբողջական ուսման վարձի, ամսական կենսական կարիքների, դեպի Մեծ Բրիտանիա և վերադարձի թռիչքների տոմսերի, վիզայի ու առողջության ապահովագրության վճարները:

Ծրագիրը հասանելիություն է տրամադրում 67 մագիստրոսական (MSc) ծրագրի Մեծ Բրիտանիայի հինգ նշանավոր համալսարաններում՝ Բրեդֆորդի, Քրանֆիլդի, Գլազգոյի, Սենթ էնդրյուսի և Սթիրլինգի համալսարաններում: Դասընթացն ավարտելուց հետո կրթաթոշակառուները պարտավորովում են վերադառնալ իրենց երկրներ STEM ոլորտին նպաստելու համար՝ փոխանակվելով Մեծ Բրիտանիայի հետ արժեքավոր կապերով և փորձով:

Այլ մանրամասներ՝ www.britishcouncil.am