Կյանքից հեռացել է պրոֆեսոր Միխայիլ Աղաջանովը
22.03.2024
Մեծ ցավով տեղեկացանք անվանի բժիշկ-գիտնական, ԵՊԲՀ կենսաքիմիայի ամբիոնի երկարամյա վարիչ, պրոֆեսոր Միխայիլ Աղաջանովի մահվան մասին:
1963 թվականին Բժշկական համալսարանն ավարտելուց հետո պրոֆեսոր Աղաջանովն իր կյանքի հաջորդ վեց տասնամյակները նվիրել է դասավանդմանը՝ հարազատ բուհում կրթելով բազմաթիվ սերունդներ և նպաստելով Հայաստանում բժշկագիտության զարգացմանը: Հատկանշական է նրա երկարամյա աշխատանքն ու նվիրվածությունը ոլորտին, մասնավորապես՝ նեյրոդեգեներատիվ հիվանդությունների ուսումնասիրությանը:
Իր արգասաբեր գործունեության շնորհիվ՝ Աղաջանովը բարձր հեղինակություն էր վայելում թե՛ ԵՊԲ համալսարանի, թե՛ միջազգային գիտական համայնքի շրջանում:
Մեր խորին ցավակցությունն ենք հայտնում Աղաջանովների ընտանիքին, հարազատներին և բժշկագիտական հանրույթին: