ՀՀ կրթության, գիտության, մշակույթի և սպորտի նախարարություն Բարձրագույն կրթության և գիտության կոմիտե

Եվրոպական հանձնաժողովի միացյալ հետազոտական կենտրոնը (JRC) հայտարարում է «Նանոկենսատեխնոլոգիաների լաբորատորիա» մրցույթի մեկնարկի մասին:

Մրցույթի հիմնական թեմաներն են՝

    - Միկրո/նանոպլաստիկայի հայտնաբերում և բնութագրում այն միջավայրերում, որոնք ազդեցություն են թողնում մարդու օրգանիզմի վրա (ինչպիսիք են սնունդը, օդը և ջուրը կենցաղային ջրամատակարարման համակարգում):

    - Տարբեր կենսամիջավայրերում (օր.՝ սնունդ և սննդի փաթեթավորում) ժամանակակից նյութերի հայտնաբերում և բնութագրում, ինչպիսիք են նանոնյութերը (ներառյալ բաղադրիչները, հավելանյութերը և սննդային հավելումները) և վերջիններիս փոխազդեցությունը կենսաբանական համակարգերի հետ:

    - Լիպոսոմների վրա հիմնված արտադրանքների և m-RNA լիպիդային նանոմասնիկների համակարգերի բնութագրում և կենսամակրոմոլեկուլների բնութագրերի որոշում և դրանց փոխազդեցության ուսումնասիրություն: Կիրառումներ՝ ախտորոշում, բուժում, հիվանդությունների և ախտածինների հայտնաբերում։

Հետազոտական ծրագիրն իրականացնելու համար գումար չի գանձվում: Միացյալ հետազոտական կենտրոնը (JRC) կարող է հոգալ «Հորիզոն Եվրոպա» գերազանցության տարածում և մասնակցության ընդլայնում» ծրագրին մասնակցելու իրավունք ունեցող երկրներում գործող հաստատություններից դիմողների ճանապարհորդության և կեցության ծախսերը:

Հայտադիմումների վերջնաժամկետը 2024 թվականի մայիսի 21-ն է:

Նախքան հայտ ներկայացնելը թեկնածուները նախագծերի իրագործելիությունը գնահատելու նպատակով կարող են կապ հաստատել JRC-OPEN-NANOBIOTECH@ec.europa.eu էլ. հասցեով:

Մրցույթի մանրամասներին կարելի է ծանոթանալ այստեղ։