Համագործակցության հնարավորություններ Վարշավայի համալսարանի հետ՝ բարձրագույն կրթության և գիտության ոլորտում
![](thumbs/460x/images/2023-11/29c543d79c70ce0bcd99c77d7c6e7d95.jpg)
![image description](thumbs/460x330/attachments/2023-11/a37c50024b91662e1ba7e13f97ab5995.jpg)
![image description](thumbs/460x330/attachments/2023-11/3ea5a1eb2d3fc94f55f540b4d47f72bc.jpg)
![image description](thumbs/460x330/attachments/2023-11/5b3bdc028000e78454ef0c5e9f906854.jpg)
Նոյեմբերի 23-ին Բարձրագույն կրթության և գիտության կոմիտեի նախագահ Սարգիս Հայոցյանը հյուրընկալեց Լեհաստանի Հանրապետության Վարշավայի համալսարանի «Արևելյան Եվրոպայի հետազոտությունների կենտրոն»-ի պատվիրակությունը՝ տնօրեն, պրոֆեսոր-էմերիտուս Յան Մալիցկու գլխավորությամբ։
Հանդիպման ընթացքում Կենտրոնի տնօրենը ներկայացրեց Վարշավայի համալսարանի՝ 2024-2025 ուսումնական տարվա կրթաթոշակները Արևելյան Եվրոպայի և Անդրկովկասի երկրների ուսանողների և երիտասարդ գիտնականների համար, որոնք նախատեսված են մեծամասամբ հումանիտար և հասարակական գիտությունների, մասնավորապես Կենտրոնական և Արևելյան Եվրոպայի պատմության և արդի իրավիճակի վերաբերյալ հետազոտությունների համար։
Բարձրագույն կրթության և գիտության կոմիտեի նախագահն անդրադարձավ Կոմիտեի միջազգային համագործակցության շրջանակին, հայ գիտնականների՝ միջազգային հետազոտական տարածքին ինտեգրման և արտերկրյա գիտնականների ներուժի ներգրավման առաջնահերթություններին, և այդ նպատակով ներկայումս իրականացվող ծրագրերի բովանդակությանը։
Հանդիպման արդյունքում պայմանավորվածություններ ձեռք բերվեցին ակադեմիական և գիտական երկկողմ շարժունության խթանման, Կողմերի իրականացրած ընթացիկ ծրագրերի վերաբերյալ երկուստեք իրազեկության բարձրացման, գիտության և բարձրագույն կրթության ոլորտում համատեղ միջոցառումների, գիտաժողովների, քննարկումների իրականացման հնարավորությունները։