ՀՀ կրթության, գիտության, մշակույթի և սպորտի նախարարություն Բարձրագույն կրթության և գիտության կոմիտե

Դեկտեմբերի 22-ին Ծաղկաձորում տեղի ունեցավ «Երիտասարդ գիտաշխատողների հետազոտությունների աջակցության ծրագիր–2009-ի» շրջանակներում անցկացված մրցույթի արդյունքների հայտարարման ու դրամաշնորհների հանձնման արարողությունը: 

ՀՀ կրթության և գիտության նախարարության գիտության պետական կոմիտեի նախագահը քառօրյա այցով մեկնել էր ՌԴ՝ մասնակցելու Միջազգային գիտատեխնիկական կենտրոնի (ՄԳՏԿ) անդամ պետությունների կառավարիչների խորհրդի 50-րդ նստաշրջանին՝ որպես կոորդինացիոն կոմիտեի անդամ:

Ալեքսանդր Միխայլովիչ Պրոխորովի անվան ինժեներական գիտությունների ակադեմիայի նախագահության 2009 թ. նոյեմբերի 26-ի որոշմամբ Սամվել Հարությունյանին շնորհվել է Պրոխորովյան մրցանակ՝ ԴՆԹ-ի լիգանդ համակարգերում կոոպերատիվ անցումների հետազոտության համար:

Դեկտեմբերի 4-ին  ՀՀ վարչապետի հանձնարարությամբ տեղի ունեցավ Գիտության պետական կոմիտեի եւ Գիտությունների ազգային ակադեմիայի համատեղ մշակած ՀՀ գիտության ոլորտի զարգացման ռազմավարության նախագծի ամփոփիչ քննարկումը, որն անցկացվեց ակադեմիայի նիստերի դահլիճում:

Դեկտեմբերի 1-ին ՀՀ ԿԳՆ գիտության պետական կոմիտեում կազմակերպված սեմինար-քննարկումների ժամանակ ներկայացվեցին «Սինքրոտրոնային ճառագայթման օգտագործման կենտրոնի «Քենդլ» նախագծի բիզնես-պլանը եւ  Ռուս-Հայկական (Սլավոնական) համալսարանի հեղինակային խմբի կողմից մշակված «Կիսահաղորդչային   նանոէլեկտրոնիկայի   գիտահետազոտական  կենտրոնի»  ծրագիրը: