ՀՀ կրթության, գիտության, մշակույթի և սպորտի նախարարություն Բարձրագույն կրթության և գիտության կոմիտե

Հոկտեմբերի 19-22-ը Երևանում անցկացվելու է «Միջուկային հետազոտությունների միացյալ ինստիտուտի օրերը Հայաստանում» խորագրով միջազգային գիտաժողով:

Գիտաժողովը կազմակերպվում է Միջուկային հետազոտությունների միացյալ ինստիտուտի ( ՄՀՄԻ) 60-ամյակի կապակցությամբ:

ՄՀՄԻ միջուկային ֆիզիկայի և միջուկային տեխնոլոգիաների, բարձր էներգիայի և տարրական մասնիկների ֆիզիկայի, կյանքի մասին գիտությունների, ինչպես նաև՝ տեղեկատվական տեխնոլոգիաների բնագավառում համաշխարհային առաջատար կենտրոններից է:

1992 թ.-ից Հայաստանի Հանրապետությունը հանդիսանում է Միացյալ ինստիտուտի անդամ-պետություն:

Այս առիթով ՄՀՄԻ անդամ 17 երկրներից Երևան են ժամանելու  անվանի  գիտնականներ, բարձրաստիճան հյուրեր,  դիվանագետներ:   Նրանց ընդունելու է նաև ՀՀ Նախագահը:

Գիտաժողովի բացումը տեղի կունենա հոկտեմբերի 19-ին, ժամը 11-ին՝ Մ. Մաշտոցի անվան հին ձեռագրերի ինստիտուտում՝ Մատենադարանում (հասցե՝ Մաշտոցի պողոտա, 53):

Աշխատանքային լեզուն՝ ռուսերեն:

Գիտաժողովի ծրագիր:

ՀՀ ԿԳՆ գիտության պետական կոմիտե