ԲԿԳԿ դրամաշնորհային ծրագրերի մշտադիտարկում
![](thumbs/460x/images/2024-07/49c4bebb8f21c6f8b0bba1670db84dfa.jpg)
![image description](thumbs/460x330/attachments/2024-07/bb46c5fe5db68bacf60c0ffd473fa6de.jpg)
![image description](thumbs/460x330/attachments/2024-07/278a107c98d901efe118bdd4395555d4.jpg)
![image description](thumbs/460x330/attachments/2024-07/a17754d7f315956505189f87f85b650e.jpg)
![image description](thumbs/460x330/attachments/2024-07/aa4bb2b97386cebe72ae288defaf024f.jpg)
![image description](thumbs/460x330/attachments/2024-07/a71d65bd1dec4acc8ec12e1390bcc9f0.jpg)
![image description](thumbs/460x330/attachments/2024-07/fa05816816fe4276f0aec469e1a5880b.jpg)
![image description](thumbs/460x330/attachments/2024-07/66cfa5f5921896e652024ee7253eaffa.jpg)
![image description](thumbs/460x330/attachments/2024-07/f4cd248bfbce38f2e1cec9576cd8efe9.jpg)
![image description](thumbs/460x330/attachments/2024-07/750c10e9fba524fa39c824f0500ac583.jpg)
![image description](thumbs/460x330/attachments/2024-07/20e2b026161fbf69e1b25160bc60d842.jpg)
ՀՀ ԿԳՄՍՆ բարձրագույն կրթության և գիտության կոմիտեի նախագահի 2024 թվականի մայիսի 10-ի №146-Ա/Ք հրամանով հաստատված համապատասխան աշխատանքային խմբերը 2024 թվականի հունիսի 26-28 այցելել են մի շարք գիտական կազմակերպություններ: Կատարված այցերի նպատակն էր ԲԿԳ կոմիտեի կողմից հայտարարված դրամաշնորհների ֆինանսավորման արդյունքում ձեռքբերված սարք/սարքավորումների, գիտական կազմակերպություններում պայմանների բարելավման, ինչպես նաև դրամաշնորհային ծրագրերի շրջանակում կատարվող աշխատանքների մշտադիտարկումը:
Աշխատանքային խմբերն այցելել են հետևյալ գիտական կազմակերպություններ.
- «Ա. Ի. Ալիխանյանի անվան ազգային գիտական լաբորատորիա (Երևանի ֆիզիկայի ինստիտուտ)» հիմնադրամ,
- ՀՀ ԳԱԱ «Ա.Թախտաջյանի անվան բուսաբանության ինստիտուտ» ՊՈԱԿ,
- ՀՀ ԳԱԱ «Մոլեկուլային կենսաբանության ինստիտուտ» ՊՈԱԿ,
- «Ա. Նալբանդյանի անվ. քիմիական ֆիզիկայի ինստիտուտ» ՊՈԱԿ:
«Ենթակառուցվածքի պահպանում և զարգացում» դրամաշնորհի շրջանակներում մշտադիտարկման են ենթարկվել հետևյալ ծրագրերը.
- «Ա. Ի. Ալիխանյանի անվան ազգային գիտական լաբորատորիա (Երևանի ֆիզիկայի ինստիտուտ)» հիմնադրամի գիտական և գիտատեխնիկական գործունեության ենթակառուցվածքի պահպանում և գիտական ներուժի արդիականացում» («Ա. Ի. Ալիխանյանի անվան ազգային գիտական լաբորատորիա (Երևանի ֆիզիկայի ինստիտուտ)» հիմնադրամ),
- «Հայաստանի բուսական աշխարհի ուսումնասիրության և պահպանության էկոլոգա-աշխարհագրական ասպեկտները» (ՀՀ ԳԱԱ «Ա.Թախտաջյանի անվան բուսաբանության ինստիտուտ» ՊՈԱԿ):
«Պայմանագրային (թեմատիկ) հետազոտություն» դրամաշնորհի շրջանակներում մշտադիտարկման են ենթարկվել հետևյալ թեմաները.
«Կոլլայդերային գիտափորձերի համար բարձր ճշտության ժամանակային դետեկտորների մշակումը և Հիգգսի բոզոնային զույգերի որոնումը CMS (LHC) գիտափորձում», թեմայի ղեկավար՝ Թումասյան Արմեն («Ա. Ի. Ալիխանյանի անվան ազգային գիտական լաբորատորիա (Երևանի ֆիզիկայի ինստիտուտ)» հիմնադրամ),
«Ինվազիվ բուսատեսակները Ա-ից Ֆ: Ազգային գույքագրում, ազդեցության գնահատում, վերահսկում և կառավարում Հայաստանի համար», թեմայի ղեկավար՝ Ֆայվուշ Գեորգի (ՀՀ ԳԱԱ «Ա.Թախտաջյանի անվան բուսաբանության ինստիտուտ» ՊՈԱԿ):
«Նպատակային-ծրագրային հետազոտություն» դրամաշնորհի շրջանակներում մշտադիտարկման են ենթարկվել հետևյալ ծրագրերը.
«ՀՀ ԳԱԱ ՄԿԻ ՊՈԱԿ-ի «Հայկական գենոֆոնդի կայունության գործոնները» ծրագրին պետական աջակցություն» (ՀՀ ԳԱԱ «Մոլեկուլային կենսաբանության ինստիտուտ» ՊՈԱԿ),
«Նպատակային-ծրագրային հետազոտություն» դրամաշնորհի՝ «Կիրառական (կոմերցիոն) նշանակության տիտանի հիմքով hամաձուլվածքների սինթեզը Հիդրիդային ցիկլի եղանակով» ծրագրին պետական աջակցություն» (Ա. Նալբանդյանի անվ. քիմիական ֆիզիկայի ինստիտուտ» ՊՈԱԿ):
Մշտադիտարկման ժամանակ գիտական կազմակերպությունների ստորաբաժանումների, համապատասխան խմբերի գիտական ղեկավարները և գիտաշխատողները ներկայացրել են տարբեր ծրագրերի շրջանակներում ձեռք բերված սարքերը, ինչպես նաև քննարկվել են գիտական կազմակերպություններում դրամաշնորհների շրջանակներում կատարված աշխատանքների կարևորության և դրամաշնորհների դերի մասին հարցեր: