Գիտաժողով` «Քենդլում»
Սույն թվականի հուլիսի 2-5-ը, «ՔԵՆԴԼ» ՍՀԻ-ում անց է կացվելու ՀՀ ԿԳՆ գիտության կոմիտեի, «ՔԵՆԴԼ» սինքրոտրոնային հետազոտությունների ինստիտուտի և «DESY» ազգային արագացուցչային կենտրոնի կողմից կազմակերպված «Գերարագ փնջեր և կիրառություններ» խորագրով միջազգային գիտաժողովը:
Գիտաժողովի նպատակն է համախմբել արագացուցչային ֆիզիկայի, լազերային ֆիզիկայի, կյանքի մասին գիտությունների և նյութագիտության ոլորտներում աշխատող գիտնականների՝ քննարկելու ֆիզիկային և գերարագ էլեկտրոնային ու ֆոտոնային փնջերի կիրառություններին առնչվող կարևորագույն խնդիրները: Հատուկ ուշադրության են արժանանալու ցածր էներգիայով ռելյատիվիստիկ էլեկտրոնային և ինֆրակարմիր-տերահերց տիրույթի ֆոտոնային փնջերը:
Գիտաժողովի հիմնական թեմաներն են՝
- Գերկարճ էլեկտրոնային փնջեր
- Ճառագայթման աղբյուրներ և ազատ էլեկտրոնային լազերներ
- Արագացման նոր եղանակներ
- Փորձարարական տեխնիկա և մեթոդներ
- Կյանքի մասին գիտություններ և նյութագիտություն
Լրացուցիչ տեղեկատվություն կարող եք ստանալ http://candle.am/uba19/ հղումով: