ՀՀ կրթության, գիտության, մշակույթի և սպորտի նախարարություն Բարձրագույն կրթության և գիտության կոմիտե

Հայաստանի Հանրապետության կրթության եւ գիտության նախարարության գիտության պետական կոմիտեի հայտարարած մրցույթների հայտերի ընդունման վերջնաժամկետները փոփոխվել են.  Հայաստանի Հանրապետության կրթության եւ գիտության նախարարության եւ Գերմանիայի կրթության եւ հետազոտությունների դաշնային նախարարության հայտարարած գիտական ու գիտատեխնիկական նախագծերի մրցույթին մասնակցելու համար հայտերը կընդունվեն մինչեւ սեպտեմբերի 18-ը, ժամը 17.00, իսկ հայ - ռուսական հիմնարար գիտական հետազոտությունների համատեղ նախագծերի «ՀՀ ԿԳՆ ԳՊԿ - ՀՀՌՀ - 2013» մրցույթի հայտերը՝ մինչեւ հոկտեմբերի 1-ը, ժամը 17.00:

Սեպտեմբերի 12-ին «Փաստարկ» ակումբում տեղի ունեցավ ՀՀ ԿԳՆ գիտության պետական կոմիտեի նախագահ Ս. Հարությունյանի մամուլի ասուլիսը, որտեղ նա անդրադարձավ 2012 թ. կոմիտեի գործունեության հիմնական ուղղություններին:

Ս.թ. սեպտեմբերի 12-ին, ժամը 13.00 «Փաստարկ» ակումբում տեղի կունենա ՀՀ ԿԳՆ ԳՊԿ նախագահ Ս. Հարությունյանի մամլո ասուլիսը: ԳՊԿ նախագահը կանդրադառնա 2012 թ. կոմիտեի գործունեության հիմնական ուղղություններին՝ գիտական ծրագրերի ֆինանսավորման մրցույթներին, իրավական դաշտի կատարելագործման ուղղությամբ կատարված աշխատանքներին, «Քենդլ» նախագծի իրականացման ընթացքին եւ այլն:

ՀՀ  ԿԳՆ գիտության պետական կոմիտեն բաց հանրային քննարկման է ներկայացնում «Գիտական եւ գիտատեխնիկական գործունեության մասին» ՀՀ օրենքի նախագիծը:

«Հայ-Ֆրանսիական գիտական համագործակցության շրջանակներում անցկացվող միացյալ միջազգային համատեղ լաբորատորիաների կազմավորման ծրագրի» շրջանակներում մրցութային հայտերի ընդունման աշխատանքներն իրականացվում են առանց ժամկետային սահմանափակումների՝ համաձայն ՀՀ կրթության եւ գիտության նախարարության եւ Ֆրանսիայի գիտական հետազոտությունների ազգային կենտրոնի միջեւ գիտական համագործակցության մասին կնքված պայմանագրի: