ՀՀ կրթության, գիտության, մշակույթի և սպորտի նախարարություն Բարձրագույն կրթության և գիտության կոմիտե

Եվրոպական հանձնաժողովի Միացյալ հետազոտական կենտրոնը (ՄՀԿ) հայտարարում է իր գիտական լաբորատորիաների ու կայանքների հասանելիության հնարավորության մասին՝ գիտական հետազոտություն ծավալող այն անձանց համար, որոնք աշխատում են հետազոտական կազմակերպություններում, փոքր և միջին ձեռնարկություններում և հանրային կամ ոչ հանրային ոլորտներում:

«Հեռավար լաբորատորիաների հիմնադրման ծրագիր» (ARPI) մրցույթի արդյունքում ֆինանսավորման է երաշխավորվել 18 գիտական թեմա:

2022թ. նոյեմբերի 10-ին, Գիտության և տեխնոլոգիաների ոլորտում եվրոպական համագործակցության (COST ասոցիացիա) բարձրագույն խորհուրդը Հայաստանին շնորհել է COST ասոցիացիայի լիիրավ անդամի կարգավիճակ:

2022 թ. նոյեմբերի 16-ին Բրյուսելում կայացել է Հետազոտությունների և նորարարության հարցերով ԵՄ-Հայաստան համատեղ կոմիտեի անդրանիկ նիստը: Նիստի օրակարգում ընդգրկված էին մի շարք հարցեր, որոնք բխում են Հայաստանի՝ «Հորիզոն Եվրոպա» ծրագրին մասնակցության մասին համաձայնագրի դրույթներից, ինչպես նաև մի շարք հարցեր, որոնք առնչվում են ՀՀ գիտական համայնքի՝ Եվրոպական հետազոտական տարածքին ինտեգրման գործընթացների խթանմանը։

Նոյեմբերի 17-ին անց է կացվել  ՀՀ գիտության կոմիտեի գիտական գործունեության կազմակերպման վարչության միջազգային համագործակցության բաժնի ավագ մասնագետի քաղաքացիական ծառայության թափուր պաշտոնն զբաղեցնելու համար ներքին մրցույթի հարցազրույցի փուլը: