Փոքրիկ գրադարան՝ գիտության պետական կոմիտեում
2009 թվականից Գիտության պետական կոմիտեում բացվեց գրադարան: Նախաձեռնության նպատակն էր միավորել կոմիտեում առկա գիտության ոլորտին առնչվող տեղեկատվական նյութերը եւ դրանք հասանելի դարձնել գիտական գործունեությամբ զբաղվողներին:
Այստեղ հնարավոր է գտնել գիտության ոլորտին առնչվող ամենատարբեր նյութեր՝ գիտական գրականությունից մինչեւ միջազգային գիտաժողովների, սեմինարների օրակարգեր: Տեղեկատվության մի մասն էլեկտրոնային տարբերակով է, քանի որ դուրս է բերվել ինտերնետից: Ի դեպ, գիտաշխատողներին եւ ասպիրանտներին գրադարանում անվճար կտրամադրվի նաեւ ինտերնետ կապ՝ գիտության վերջին նորությունները, ինչպես նաեւ հայտարարվող մրցույթների եւ կայանալիք միջոցառումների վերաբերյալ տեղեկություններ գտնելու նպատակով:
Գրադարան հիմնելով՝ կոմիտեում հույս ունեն, որ փոքր-ինչ կօգնեն հայ գիտաշխատողներին եւ ասպիրանտներին՝ արդի գիտական աշխարհին վերաբերող տեղեկատվության պակասը լրացնելու եւ ժամանակակից գործընթացներին ինտեգրվելու գործում:
Տեղեկատվության եւ հասարակայնության հետ կապերի բաժին