ՀՀ կրթության, գիտության, մշակույթի և սպորտի նախարարություն Բարձրագույն կրթության և գիտության կոմիտե

Հայաստանի Հանրապետության կրթության եւ գիտության նախարարությունը հայտարարում է հայագիտության եւ հումանիտար, բնական, բժշկական, գյուղատնտեսական, հասարակական գիտությունների ու ճարտարագիտության եւ տեխնոլոգիայի բնագավառներում գիտական եւ գիտատեխնիկական գործունեության պայմանագրային (թեմատիկ) ֆինանսավորման նպատակով գիտական թեմաների հայտերի ընտրության մրցույթ:

(Ժակմետն ավարտված է)

ՀՀ ԿԳՆ գիտության պետական կոմիտեն հրավիրում է մասնակցելու  «Հայաստանի Հանրապետությունում մտավոր սեփականության պահպանության առանձնահատկությունները»  թեմայով  սեմինարին, որը  տեղի  կունենա  ս. թ.  նոյեմբերի 2-ին ժամը 16.00,  ՀՀ կրթության և գիտության նախարարության գիտության պետական կոմիտեում (հասցե՝ ք. Երևան, Օրբելի 22, ՀՀ ԳԱԱ Ֆիզիոլոգիայի ինստիտուտի կոնֆերանսների  դահլիճ):

2010 թ. հոկտեմբերի 4-ին հայտարարվել է 7-րդ ՇԾ-ի Black Sea ERA.NET նախագծի Պիլոտային համատեղ մրցույթ` "Կլիմա, բնապահպանություն և էներգիա" բնագավառներում:

(Ժամկետն ավարտված է)

ԱՊՀ Տնտեսական խորհրդի 2009թ. հունիսի 19-ի որոշմամբ ընդունված «ԱՊՀ մասնակից պետությունների ինովացիոն ոլորտում մինչև 2020թ. ժամանակահատվածի համար համագործակցության միջպետական նպատակային ծրագրի» շրջանակում նախատեսվում է գիտահետազոտական, ներդրումային, կազմակերպակառավարչական և ճյուղային մեկնարկային ինովացիոն նախագծերի իրականացում:

ԱՊՀ անդամ երկրների տարածքում հումանիտար, բնական եւ տեխնիկական գիտությունների բնագավառում երիտասարդական սոցիալական նշանակություն ունեցող նախաձեռնությունների հայտնաբերման եւ օժանդակության նպատակով կազմակերպվում է Երիտասարդական ինովացիոն նախագծերի բաց մրցույթ:

«Հայ-Ֆրանսիական գիտական համագործակցության շրջանակներում անցկացվող միացյալ միջազգային համատեղ լաբորատորիաների կազմավորման ծրագրի» շրջանակներում մրցութային հայտերի ընդունման աշխատանքներն իրականացվում են առանց ժամկետային սահմանափակումների՝ համաձայն ՀՀ կրթության եւ գիտության նախարարության եւ Ֆրանսիայի գիտական հետազոտությունների ազգային կենտրոնի միջեւ գիտական համագործակցության մասին կնքված պայմանագրի:

2010 թ. հոկտեմբերի 5-ից 8-ը Երևանում (Արգիշտի 7, Մոսկվայի տուն) առաջին անգամ անց է կացվելու «Երևան գիտության փառատոն-2010» միջոցառումը «Դեպի կանաչ տնտեսություն»  նշանաբանով: Փառատոնը նախատեսվում է իրականացնել նույն օրերին կազմակերպվող «Վերականգնվող էներգետիկայի շաբաթ» միջազգային ընդգրկումով երկրորդ համաժողովին համատեղ: