ՀՀ ԿԳՆ գիտության պետական կոմիտեի նախագահն ընդունել է ՀՀ-ում Բրազիլիայի արտակարգ եւ լիազոր դեսպանին
Մարտի 9-ին ՀՀ գիտության պետական կոմիտեի նախագահ Սամվել Հարությունյանն ընդունեց ՀՀ-ում Բրազիլիայի արտակարգ եւ լիազոր դեսպան տիկին Ռենատե Ստիլլեին։
Ողջունելով հյուրին` Գիտության պետական կոմիտեի նախագահը ներկայացրեց երկրում գիտության ոլորտում տարվող քաղաքականության հիմնական ուղղությունները, նախատեսվող ծրագրերը եւ իրականացվող բարեփոխումները: Կոմիտեի նախագահը կարեւորեց նաեւ գիտության բնագավառում միջազգային համագործակցության դերը: Պարոն Հարությունյանը նշեց, որ պատրաստակամ է սերտ համագործակցության՝ փոխշահավետ համատեղ ծրագրեր մշակելու եւ իրականացնելու նպատակով:
Դեսպանը շնորհակալություն հայտնեց ընդունելության, բնագավառը հետաքրքիր ներկայացնելու եւ լավատեսական ծրագրերի համար: Օգտվելով առիթից՝ Ռենատե Ստիլլեն հրավիրեց պարոն Հարությունյանին հնարավորին սեղմ ժամկետում այցելել Բրազիլիայի Հանրապետություն՝ տեղում երկրի գիտական փորձին ծանոթանալու եւ համագործակցությունը երկու պետությունների միջեւ ամրապնդելու նպատակով:
Տեղեկատվության եւ հասարակայնության հետ կապերի բաժին