ՀՀ կրթության, գիտության, մշակույթի և սպորտի նախարարություն Բարձրագույն կրթության և գիտության կոմիտե

Փետրվարի 15-ին  ՀՀ ԿԳՆ գիտության պետական կոմիտեի նախագահ Ս. Հարությունյանը Եվրասիա միջազգային համալսարանում մասնակցել է «Հայաստանի Հանրապետության սոցիալ-տնտեսական զարգացման հիմնախնդիրները եւ առաջնահերթությունները» թեմայով գիտաժողովի բացմանը:

ՀՀ ԿԳՆ ԳՊԿ նախագահը փետրվարի 10-ին Տոմսկի ազգային հետազոտական պոլիտեխնիկական համալսարանում մասնակցել է «Ռենտգենյան օպտիկա» հայ-ռուսական գիտակրթական լաբորատորիայի բացման արարողությանը:

Ի կատարումն ՀՀ վարչապետի 2011 թ. դեկտեմբերի 21-ի «Հայաստանի Հանրապետության 2013 թվականի բյուջետային գործընթացն սկսելու մասին» N 1240–Ն որոշման՝ անհրաժեշտ է մինչեւ 2012 թ. փետրվարի 17-ը ՀՀ ԿԳՆ գիտության պետական կոմիտե ներկայացնել կազմակերպությունների 2013-2015 թթ. գիտական եւ գիտատեխնիկական գործունեության միջնաժամկետ ծախսերի ծրագրի եւ 2013 թ. բյուջետային ֆինանսավորման հայտերը՝ ՀՀ 2013-2015 թթ. պե­տա­կան միջնաժամկետ ծախսերի ծրագրի եւ ՀՀ 2013 թ. պե­տական բյուջեի նախագծերի մշակման աշխատանքների իրա­կա­նաց­ման ժամանակացույցի պահանջներին համապատասխան:

Ամփոփվել են ՀՀ ԿԳՆ գիտության պետական կոմիտեի եւ Ռուսաստանյան հումանիտար գիտությունների հիմնադրամի միջեւ կնքված համաձայնագրի շրջանակներում համաֆինանսավորման սկզբունքով անցկացվող գիտական հետազոտությունների ծրագրերի աջակցության «ԳՊԿ-ՌՀԳՀ-2012» մրցույթի արդյունքները:

Ֆիզիկամաթեմատիկական գիտությունների դոկտոր, պրոֆեսոր, ՀՀ ԳԱԱ ակադեմիկոս Էդուարդ Ղազարյանը պարգեւատրվել է ՀՀ ԿԳՆ գիտության պետական կոմիտեի ոսկե մեդալով: