ՀՀ կրթության, գիտության, մշակույթի և սպորտի նախարարություն Բարձրագույն կրթության և գիտության կոմիտե

ՀՀ ԿԳՆ ԳՊԿ նախագահի 2015 թ. սեպտեմբերի 10-ի N 23-Ա/Ք հրամանով հաստատվել է «Շիրակի մարզի գիտական կազմակերպություններում իրականացվող գիտական հետազոտությունների աջակցության ծրագիր - 2015» մրցույթի արդյունքում ֆինանսավորման երաշխավորված գիտական թեմաների ցանկը:

Սեպտեմբերի 2-4-ը ՀՀ ԿԳՆ գիտության պետական կոմիտեի աշխատակազմի ղեկավար Լևոն Մարդոյանը Հիմնարար հետազոտությունների ռուսաստանյան հիմնադրամի հրավերով մեկնել էր Մոսկվա՝ մասնակցելու հետխորհրդային տարածքում գիտական հետազոտությունների ֆինանսավորումն ապահովող կազմակերպությունների ներկայացուցիչների հետ հանդիպմանը:

Սեպտեմբերի 2-4-ը ՀՀ ԿԳՆ ԳՊԿ նախագահ Ս. Հարությունյանը Բելգիայիում մասնակցել է IncoNet EaP նախագծի կողմից կազմակերպված «ԵՄ - Արևելյան գործընկերության (EaP) գիտության, տեխնոլոգիաների և նորարարությունների համագործակցության արդի իրավիճակը և ապագան» գիտագործնական հանդիպմանը:

Սեպտեմբերի 7-ին ՀՀ  կրթության և գիտության նախարարությունում հրավիրված  միջգերատեսչական աշխատանքային խորհրդակցության ժամանակ քննարկվել է 2016 թվականի պետական բյուջեի գիտական և գիտատեխնիկական գործունեության ծրագրով բյուջետային հայտի առաջարկը, որը ներկայացրել է ԳՊԿ նախագահ Սամվել Հարությունյանը:

ՀՀ կրթության և գիտության նախարար Ա. Աշոտյանի 2015 թ. օգոստոսի 28-ի N 144-Ա¹ հրամանով Վարդան Սահակյանը 2015 թ. սեպտեմբերի 1-ից նշանակվել է ՀՀ ԿԳՆ գիտության պետական կոմիտեի նախագահի տեղակալ: