ՀՀ կրթության, գիտության, մշակույթի և սպորտի նախարարություն Բարձրագույն կրթության և գիտության կոմիտե

Նոյեմբերի 16-ին ՀՀ ԿԳՆ գիտության պետական կոմիտեի նախագահն ընդունեց Բելառուսի Հանրապետության պատվիրակությանը` Գիտության և տեխնոլոգիաների պետական կոմիտեի նախագահ Ալեքսանդր Շումիլինի գլխավորությամբ:

Հանդիպման ընթացքում կողմերը քննարկեցին երկու երկրներում գիտության ոլորտի առկա իրավիճակը, ներկայացրեցին առաջիկա ծրագրերը:

Նոյեմբերի 16-ին ՀՀ ԿԳՆ գիտության պետական կոմիտեի նախագահն ընդունեց Մոլդովայի Հանրապետության գիտությունների ակադեմիայի պատվիրակությանը` ակադեմիայի նախագահ Ջորջ Դուկայի գլխավորությամբ:

Հանդիպման ընթացքում քննարկված հիմնական թեմաները երկու երկրներում գիտության ոլորտի պետական քաղաքականության, իրականացված բարեփոխումների, առաջիկա ծրագրերի վերաբերյալ էին:

Նոյեմբերի 12-16-ը ՀՀ ԿԳՆ գիտության պետական կոմիտեի նախագահ Սամվել Հարությունյանը ՀՀ կրթության և գիտության նախարար Լևոն Մկրտչյանի գլխավորած պատվիրակության կազմում այցելել է Չինաստանի Ժողովրդական Հանրապետություն:

Այցելության նպատակը երկու երկրների միջև գիտակրթական կապերի զարգացումն ու հեռանկարային ծրագրերն էին:

Տեղեկացնում ենք, որ ՀՀ ԿԳՆ գիտության պետական կոմիտեն, «Երևանի պետական համալսարան» հիմնադրամը և ՌԴ «Հարավային դաշնային համալսարան» բարձրագույն կրթության դաշնային պետական ինքնավար կրթական հաստատության կողմից հայտարարված գիտական ու գիտատեխնիկական նախագծերի մրցույթի ժամկետը երկարաձգվել է մինչև նոյեմբերի 25-ը ներառյալ: 

Ի կատարումն ՀՀ վարչապետի հանձնարարականի` ներկայացվում է ՀՀ ԿԳՆ գիտության պետական կոմիտեի աշխատակազմի պատասխանատուների կոնտակտային տվյալները, որոնց միջոցով հանրությունը կարող է հետադարձ կապ հաստատել, ներկայացնել հարցեր և առաջարկություններ: