ՀՀ կրթության, գիտության, մշակույթի և սպորտի նախարարություն Բարձրագույն կրթության և գիտության կոմիտե

Սեպտեմբերի 7-ին, համաձայն իր հայտարարության, Գիտության կոմիտեում տեղի ունեցավ կոմիտեի կողմից ստեղծված գիտությանը վերաբերող հարցերի քննարկման մշտական հարթակի անդրանիկ հանդիպումը գիտական համայնքի ներկայացուցիչների հետ, ովքեր եկել էին կոմիտե իրենց առաջարկություններով:

ՀՀ ԿԳՆ գիտության կոմիտեի նախագահի 2018թ. սեպտեմբերի 4-ի N 36-Ա/Ք հրամանով հաստատվել է գիտական և գիտատեխնիկակական գործունեության պայմանագրային (թեմատիկ) ֆինանսավորման երաշխավորված թեմաների ցանկը:

Մրցույթի արդյունքների ամփոփման 1-ին փուլում ֆինանսավորման  են երաշխավորվել 164 գիտական ծրագրեր, որոնցից՝ բնական գիտություններ՝ 80, Ճարտարագիտություն և տեխնոլոգիա՝ 23, բժշկական գիտություններ՝ 6, գյուղատնտեսական գիտություններ՝ 14, հասարակական գիտություններ՝ 16, հայագիտություն՝ 25*:

ՀՀ ԿԳՆ գիտության կոմիտեի նախագահի 2018 թվականի օգոստոսի 31-ի N 35-Ա/Ք հրամանով հաստատվել է «Շիրակի մարզի գիտական կազմակերպություններում իրականացվող գիտական հետազոտությունների աջակցության ծրագիր - 2018» մրցույթի արդյունքում ֆինանսավորման երաշխավորված գիտական թեմաների ցանկը:

ՀՀ ԿԳ նախարարի 2018 թվականի օգոստոսի 20-ի N 1010-Ա/2 հրամանի համաձայն` ՀՀ ԿԳՆ գիտության կոմիտեի կողմից կազմակերպված Բարձր արդյունավետությամբ աշխատող գիտաշխատողներին հավելավճարի տրամադրման 2018 թվականի մրցույթի հաղթողների ցուցակում (հաստատված է ՀՀ ԿԳ նախարարի 2018 թվականի հունիսի 6-ի N 568-Ա/2 հրամանով) կատարվել է փոփոխություն: 

ՅՈՒՆԵՍԿՕ-ն հրավիրում է անդամ պետությունների անհատներին և կազմակերպություններին` հայտեր ներկայացնելու «Սահմանափակ կարողություններով անձանց` թվայնացման ոլորտում կարողություններով օժտելու ՅՈՒՆԵՍԿՕ-ի/Էմիր Ջաբեր ալ-Ահմադ ալ-Ջաբեր ալ-Սաբահի մրցանակ»-ի համար:

2018 թվականի հոկտեմբերի 5-7-ը ԻԻՀ «Ամիր Քաբիր» տեխնոլոգիական համալսարանը կկազմակերպի աշխարհի միջազգային մակարդակի համալսարանների դասախոսների մասնակցությամբ գիտական աշխատաժողովներ:

Օգոստոսի 7-ին ՀՀ ԿԳՆ գիտության կոմիտեի նախագահ Սամվել Հարությունյանը հանդիպել է Հայաստանում Իտալիայի արտակարգ և լիազոր դեսպան Վինչենցո Դել Մոնակոյի հետ: