ՀՀ կրթության, գիտության, մշակույթի և սպորտի նախարարություն Բարձրագույն կրթության և գիտության կոմիտե

Հունիսի 27-ից 28-ը Թբիլիսիում կայացել է Արևելյան գործընկերության երկրներում գիտության, տեխնոլոգիաների և նորարարության գնահատման հարթակի երրորդ աշխատանքային հանդիպումը:

Հանդիպման ընթացքում ստորագրվել է «Արևելյան գործընկերության երկրներում գիտության, տեխնոլոգիաների և նորարարության գնահատման տարածաշրջանային հարթակի հիմանդրման մասին» փոխըմբռնման հուշագիրը:

ՀՀ ԿԳՆ գիտության պետական կոմիտեի նախագահ Սամվել Հարությունյանը հունիսի 20-ից 22-ը Աստանայում (Ղազախստանի Հանրապետություն) մասնակցել է Միջազգային գիտատեխնիկական կենտրոնի կառավարիչների խորհրդի 62-րդ նիստին:

Հունիսի 20-ից Խ. Աբովյանի անվան Հայաստանի պետական մանկավարժական համալսարանում մեկնարկեց «Կրթության ժամանակակից հիմնախնդիրները» երիտասարդ գիտնականների ամառային դպրոցը, որն անցկացվում է ՀՀ ԿԳՆ գիտության պետական կոմիտեի ֆինանսավորմամբ:

Տեսական և կիրառական քիմիայի միջազգային միությունը (IUPAC) անվանակոչել է 4 նոր քիմիական տարրեր:  Մենդելեևի պարբերական աղյուսակը համալրող նոր՝ 118-րդ տարրն անվանվել է oganesson (Og)` հայ մեծ գիտնական Յուրի Ցոլակի Հովհաննիսյանի պատվին:

Հունիսի 2-ին Երևանում մեկնարկեց «Հորիզոն-2020» շրջանակային ծրագրին նվիրված աշխատաժողով: Միջոցառմանը ներկա են գտնվել ՀՀ շահագրգիռ գերատեսչությունների, ՀՀ գիտությունների ազգային ակադեմիայի, Եվրոպական հանձնաժողովի, ԵՄ պատվիրակության, ԵՄ արևելյան համագործակցության երկրների համապատասխան կազմակերպությունների և հայաստանյան գիտական կազմակերպությունների ու բուհերի ներկայացուցիչներ:

Մայիսի 25-ին ՀՀ կառավարության մամուլի կենտրոնում տեղի ունեցավ ՀՀ ԿԳՆ գիտության պետական կոմիտեի նախագահ Սամվել Հարությունյանի մամուլի ասուլիսը` «Նոր հորիզոններ գիտության ոլորտում` «Հորիզոն-2020»» թեմայով:

2016 թ. մայիսի 16-ից 17-ը ՌԴ Դոնի Ռոստով քաղաքում կայացել է Սևծովյան տնտեսական համագործակցության  (ՍԾՏՀ) կազմակերպության գիտության և տեխնոլոգիաների ոլորտում համագործակցության հարցերով աշխատանքային խմբի հանդիպումը: