ՀՀ կրթության, գիտության, մշակույթի և սպորտի նախարարություն Բարձրագույն կրթության և գիտության կոմիտե

Հուլիսի 19-ին ՀՀ ԿԳՆ գիտության պետական կոմիտեում տեղի ունեցավ գիտական եւ գիտատեխնիկակական գործունեության պայմանագրային (թեմատիկ) ֆինանսավորման մրցույթի գիտական փորձաքննություն իրականացնող մասնագիտական փորձագիտական խորհրդի ամփոփիչ նիստը՝ Ս. Հարությունյանի նախագահությամբ:

Հուլիսի 16-ին Մամուլի ազգային ակումբում տեղի ունեցավ ՀՀ ԿԳՆ գիտության պետական կոմիտեի նախագահ Ս. Հարությունյանի մամլո ասուլիսը, որի ժամանակ ԳՊԿ նախագահը ներկայացրեց գիտական ծրագրերի մրցույթների կազմակերպման ուղղությամբ 2013 թ. 1-ին կիսամյակում կոմիտեի իրականացրած աշխատանքները:

Հայաստանի Հանրապետության կրթության եւ գիտության նախարարի 2013 թվականի ապրիլի 5-ի N 317-Ա/Ք հրամանի համաձայն՝ Հայաստանի Հանրապետության կրթության եւ գիտության նախարարության գիտության պետական կոմիտեի կողմից իրականացված «Հայաստանի Հանրապետության պետական բյուջեի հաշվին իրականացվող գիտական եւ գիտատեխնիկական գործունեության  ծրագրերում եւ թեմաներում ընդգրկված բարձր արդյունավետությամբ աշխատող գիտաշխատողներին հավելավճարի տրամադրման հայտերի ընտրության  մրցույթի» շնորհառու գիտաշխատողների ֆինանսավորումը կիրականացվի 2013 թվականի հունիսի 1-ից մինչեւ 2014 թվականի հունիսի 1-ը: Յուրաքանչյուր գիտաշխատողի համար սահմանված գումարը կազմում է  ամսական 135 000 ՀՀ դրամ:

Վարչապետ Տիգրան Սարգսյանի գլխավորությամբ հուլիսի 9-ին Երևանի Քենդլ» արագացուցչային հետազոտությունների ինստիտուտում տեղի է ունեցել «Քենդլ» նախագծի համակարգող խորհրդի նիստը:

Գիտության ոլորտում ենթակառուցվածքի, նյութատեխնիկական բազայի արդիականացման համար գիտական սարքերի եւ սարքավորումների ձեռքբերման մրցույթին մասնակցելու հայտերը կարելի է ՀՀ ԿԳՆ գիտության պետական կոմիտե ներկայացնել մինչեւ ս. թ. հուլիսի 10-ը ներառյալ:

ՀՀ պետական բյուջեի հաշվին իրականացվող գիտական եւ գիտատեխնիկական գործունեության ծրագրերում եւ թեմաներում ընդգրկված բարձր արդյունավետությամբ աշխատող գիտաշխատողներին հավելավճարի տրամադրման հայտերի ընտրության մրցույթի արդյունքները հայտնի են:

Հունիսի 10-ին ՀՀ ԿԳՆ գիտության պետական կոմիտեում տեղի ունեցավ հանդիպում Միավորված ազգերի Եվրոպական տնտեսական հանձնաժողովի տնտեսական համագործակցության եւ ինտեգրման բաժնի պետ Խոսե Պալասինի եւ նույն բաժնի աշխատակից Քրիստոֆեր Աթեյի հետ: