ՀՀ կրթության, գիտության, մշակույթի և սպորտի նախարարություն Բարձրագույն կրթության և գիտության կոմիտե

Ամփոփվել և  ՀՀ ԿԳՆ գիտության պետական կոմիտեի նախագահի 2014 թվականի հոկտեմբերի 28-ի N 27-Ա/Ք հրամանով հաստատվել է մայիսի 5-ին հայտարարված «բնական գիտություններ» և «ճարտարագիտություն և տեխնոլոգիա» բնագավառներում գիտական և գիտատեխնիկական գործունեության պայմանագրային (թեմատիկ) ֆինանսավորման նպատակով գիտական թեմաների հայտերի ընտրության մրցույթի արդյունքում ֆինանսավորման երաշխավորված գիտական թեմաների ցանկը:

Հոկտեմբերի 6-9-ին ՀՀ ԿԳՆ գիտության պետական կոմիտեի նախագահ Ս. Հարությունյանը  Իտալիայի Տրիեստ քաղաքում մասնակցել է  Աբդուս Սալամի անվան տեսական ֆիզիկայի միջազգային կենտրոնի (ICTP) ստեղծման 50-ամյակի առթիվ կազմակերպված միջոցառմանը:

Այսօր ՀՀ ԿԳՆ գիտության պետական կոմիտեի նախագահը ՀՀ գիտությունների ազգային ակադեմիայում մասնակցեց  Հովհաննես Չեքիջյանի ծննդյան 85-ամյակին նվիրված գիտական նստաշրջանի բացման արարողությանը:

Պարոն Հարությունյանը շնորհավորեց սիրելի մաեստրոյին ծննդյան տարելիցի կապակցությամբ` մաղթելով առողջություն, ստեղծագործական նորանոր բարձունքներ և ամենայն բարիք.

Սեպտեմբերի 25-ին ՀՀ կառավարության նիստում քննարկվել և ընդունվել է «Հայաստանի Հանրապետության 2015 թվականի պետական բյուջեում ընդգրկելու նպատակով գիտական և գիտատեխնիկական պետական նպատակային ծրագրերի նախագծերին հավանություն տալու մասին» արձանագրային որոշման նախագիծը:

Հաստատվել է Գիտության ոլորտում ենթակառուցվածքի, նյութատեխնիկական բազայի արդիականացման համար գիտական սարքերի և սարքավորումների ձեռքբերման մրցույթի շահառուների ցանկը:

ՀՀ ԿԳՆ ԳՊԿ նախագահ Ս. Հարությունյանը մեկնել էր Չինաստանի Տյանցզին քաղաք` ներկա գտնվելու սեպտեմբերի 10-12-ը կազմակերպված  «Նոր չեմպիոնների հանդիպում» (Annual Meeting of the New Champions) ամենամյա միջոցառմանը, որին մասնակցել են  պետական գործիչներ, խոշոր ձեռնարկությունների ղեկավարներ, գործարար և գիտական շրջանակների ներկայացուցիչներ ավելի քան 90 երկրներից:

Սեպտեմբերի 4-ին ՀՀ ԿԳՆ ԳՊԿ նախագահ Ս. Հարությունյանը մասնակցեց ՄՀՄԻ նախկին տնօրեն, ակադեմիկոս Ալեքսեյ Սիսակյանի  հիշատակին նվիրված նիստին, որը կազմակերպվել է սեպտեմբերի 1-5-ին ICTP-ի (International Center for Theoretical Physics) աջակցությամբ ՀՀ ԳԱԱ-ում անցկացվող «Օպտիկան և դրա կիրառությունները» միջազգային գիտաժողովի շրջանակներում: