ՀՀ կրթության, գիտության, մշակույթի և սպորտի նախարարություն Բարձրագույն կրթության և գիտության կոմիտե

2014 թ. հոկտեմբերի 29-31-ը կկայանա «Զարգացման ժամանակակից մարտահրավեր­ներ» խորագրով Հայաստանի պետական տնտեսագիտական համալսարանի 24-րդ գիտաժողովը:

Օգոստոսի 21-ին ՀՀ կառավարության նիստում քննարկվել և ընդունվել է «Հայաստանի Հանրապետության 2014 թվականի պետական բյուջեում վերաբաշխում, Հայաստանի Հանրապետության կառավարության 2013 թվականի դեկտեմբերի 19-ի N 1414-Ն որոշման մեջ փոփոխություններ ու լրացումներ կատարելու և Հայաստանի Հանրապետության կրթության և գիտության նախարարության գիտության պետական կոմիտեին գումար հատկացնելու մասին» որոշման նախագիծը:

Հայաստանի ազգային ագրարային համալսարանը 2014 թ. հոկտեմբերի 16-ից «Հայագրոֆորում» միջազգային համաժողովի շրջանակներում կազմակերպում է միջազգային գիտաժողով՝ նվիրված սննդի անվտանգության և պարենային ապահովվածության հիմնախնդիրներին: 

Հուլիսի 22-ին ՔԵՆԴԼ սինքրոտրոնային հետազոտությունների ինստիտուտում տեղի ունեցավ ԱՐԵԱԼ (AREAL-Advanced Research Electron Accelerator Laboratory) գիտահետազոտական գծային արագացուցչի բացման պաշտոնական արարողությունը:

Հուլիսի 8-ին Դուբնայում (ՌԴ) տեղի ունեցավ ՀՀ ԿԳՆ գիտության պետական կոմիտեի նախագահ Սամվել Հարությունյանի ղեկավարած պատվիրակության հանդիպումը Միջուկային հետազոտությունների միացյալ ինստիտուտի տնօրինության հետ: Հանդիպմանը մասնակցում էին ՄՀՄԻ փոխտնօրեն Մ. Իտկիսը, ակադեմիկոս Յ. Հովհաննիսյանը, ՄՀՄի աշխատակիցները:

Այսօր ՀՀ ԿԳՆ գիտության պետական կոմիտեի նախագահը հյուրընկալեց Ֆրանսիայի բարձրագույն կրթության և հետազոտության նախարարության Եվրոպական և միջազգային հարաբերությունների և համագործակցության գծով գլխավոր քարտուղար պրոֆեսոր Ժան-Լյուք Քլեմանին, Հայաստանում Ֆրանսիայի դեսպանության մշակույթի և համագործակցության հարցերով խորհրդական Ժան-Միշել Գասպարիանին և եվրոպական համագործակցության հարցերով կցորդ Տիֆեն Ռամպիյոնին:

Հունիսի 3-5-ը ՀՀ ԿԳՆ գիտության պետական կոմիտեի նախագահ Ս.  Հարությունյանը և ՀՀ ԳԱԱ փոխնախագահ, ակադեմիկոս Յուրի Շուքուրյանը Ղազախստանի մայրաքաղաք Աստանայում մասնակցել են Միջազգային գիտատեխնիկական կենտրոնի (ՄԳՏԿ) աշխատանքային հանդիպմանը, ինչպես նաև ՄԳՏԿ կառավարիչների խորհրդի և համակարգողների կոմիտեի 59-րդ նստաշրջանների աշխատանքներին: