ՀՀ կրթության, գիտության, մշակույթի և սպորտի նախարարություն Բարձրագույն կրթության և գիտության կոմիտե

Գիտության ոլորտում ենթակառուցվածքի, նյութատեխնիկական բազայի արդիականացման համար գիտական սարքերի եւ սարքավորումների ձեռքբերման մրցույթին մասնակցելու հայտերը կարելի է ՀՀ ԿԳՆ գիտության պետական կոմիտե ներկայացնել մինչեւ ս. թ. հուլիսի 10-ը ներառյալ:

ՀՀ պետական բյուջեի հաշվին իրականացվող գիտական եւ գիտատեխնիկական գործունեության ծրագրերում եւ թեմաներում ընդգրկված բարձր արդյունավետությամբ աշխատող գիտաշխատողներին հավելավճարի տրամադրման հայտերի ընտրության մրցույթի արդյունքները հայտնի են:

Հունիսի 10-ին ՀՀ ԿԳՆ գիտության պետական կոմիտեում տեղի ունեցավ հանդիպում Միավորված ազգերի Եվրոպական տնտեսական հանձնաժողովի տնտեսական համագործակցության եւ ինտեգրման բաժնի պետ Խոսե Պալասինի եւ նույն բաժնի աշխատակից Քրիստոֆեր Աթեյի հետ: 

Հայ-ֆրանսիական գիտական կապերի զարգացման ու ամրապնդման գործում մեծ ավանդի, գիտության և տեխնիկայի բնագավառում ունեցած ձեռքբերումների ու գիտության ոլորտում երկարամյա բարեխիղճ աշխատանքի համար Բուրգունդիայի համալսարանի պրոֆեսոր Կլոդ Լեռուային շնորհվել է ՀՀ ԿԳՆ գիտության պետական կոմիտեի պատվոգիր:

Մայիսի 31-ին «Փաստարկ» ակումբում տեղի ունեցավ  ՀՀ ԿԳՆ ԳՊԿ նախագահ Սամվել Հարությունյանի մամուլի ասուլիսը՝ «ՀՀ կառավարության ծրագիրը գիտության մասով» թեմայով:

ՀՀ ԿԳՆ գիտության պետական կոմիտեի ներկայացուցիչները՝ կոմիտեի նախագահի ղեկավարությամբ, մայիսի 13-19-ը այցելել են Իտալիա՝ մասնակցելու Գենետիկ ինժեներիայի եւ կենսատեխնոլոգիաների միջազգային կենտրոնի (ICGEB) կառավարիչների խորհրդի 19-րդ նստաշրջանին: Այցելության ընթացքում կոմիտեի նախագահը հանդիպում է ունեցել կենտրոնի միջազգային հարցերի գծով փոխտնօրեն Դ. Ռիպանդելիի հետ: Հանդիպման ընթացքում քննարկվել են գիտության ոլորտում համագործակցության վերաբերյալ հարցեր:

Մայիսի 15-ին ժամը 15.00-ին հրավիրում ենք մասնակցելու «Մաթեմատիկան ժամանակակից հաշվարկների խորագրով սեմինարին: Սեմինարը կազմակերպվում է ՀՀ ԿԳՆ գիտության պետական կոմիտեի եւ Wolfram Research կազմակերպության կողմից:

Սեմինարը կանցկացվի Գիտության պետական կոմիտեի նիստերի դահլիճում (հասցե՝ Օրբելի եղբայրների 22, 1-ին հարկ):