ՀՀ կրթության, գիտության, մշակույթի և սպորտի նախարարություն Բարձրագույն կրթության և գիտության կոմիտե

ՀՀ ԿԳՆ գիտության պետական կոմիտեի ներկայացուցիչները՝ կոմիտեի նախագահի ղեկավարությամբ, մայիսի 13-19-ը այցելել են Իտալիա՝ մասնակցելու Գենետիկ ինժեներիայի եւ կենսատեխնոլոգիաների միջազգային կենտրոնի (ICGEB) կառավարիչների խորհրդի 19-րդ նստաշրջանին: Այցելության ընթացքում կոմիտեի նախագահը հանդիպում է ունեցել կենտրոնի միջազգային հարցերի գծով փոխտնօրեն Դ. Ռիպանդելիի հետ: Հանդիպման ընթացքում քննարկվել են գիտության ոլորտում համագործակցության վերաբերյալ հարցեր:

Մայիսի 15-ին ժամը 15.00-ին հրավիրում ենք մասնակցելու «Մաթեմատիկան ժամանակակից հաշվարկների խորագրով սեմինարին: Սեմինարը կազմակերպվում է ՀՀ ԿԳՆ գիտության պետական կոմիտեի եւ Wolfram Research կազմակերպության կողմից:

Սեմինարը կանցկացվի Գիտության պետական կոմիտեի նիստերի դահլիճում (հասցե՝ Օրբելի եղբայրների 22, 1-ին հարկ):

Հայաստանի Հանրապետության պետական բյուջեի հաշվին իրականացվող  գիտական  եւ գիտատեխնիկական գործունեության  ծրագրերում եւ թեմաներում ընդգրկված բարձր արդյունավետությամբ աշխատող գիտաշխատողներին հավելավճարի տրամադրման հայտերի ընտրության մրցույթի մասնակցության վերաբերյալ խորհրդատվություն կարելի է ստանալ նաեւ ս. թ. մայիսի 10-ին (ոչ աշխատանքային օր), ՀՀ ԿԳՆ գիտության պետական կոմիտեի աշխատակազմի գիտական քաղաքական վարչությունում, ժամը 12:00 - 17:00-ը՝ զանգահարելով 21-01-40 (118) կամ       21-01-40 (117) հեռախոսահամարներով:

ՀՀ Ազգային ժողովում այս շաբաթ առաջին ընթերցմամբ քննարկվել եւ   ընդունվել է «Գիտական եւ գիտատեխնիկակական փորձաքննության մասին» օրենքի նախագիծը:

Ս.թ. ապրիլի 3-4-ը ՀՀ ԿԳՆ ԳՊԿ նախագահ Սամվել Հարությունյանը Մոսկվայում մասնակցել է Միջազգային գիտա­տեխ­նիկական կենտրոնի համակարգողների գործադիր կոմիտեի նիստին:

Ապրիլի 4-ին Մոսկվայում ստորագրվել է համագործակցության համաձայնագիր  Հայաստանի  Հանրապետության կրթության եւ գիտության նախարարության գիտության պետական կոմիտեի եւ «Նոր տեխնոլոգիաների մշակման եւ առեւտրայնացման  կենտրոնի զարգացման հիմնադրամ» ոչ առեւտրային կազմակերպության («Սկոլկովո» հիմնադրամ) միջեւ:

ՀՀ ԿԳՆ գիտության պետական կոմիտեի և Հիմնարար հետազոտությունների ռուսաստանյան հիմնադրամի կողմից անցկացված հայ-ռուսական հիմնարար գիտական հետազոտությունների համատեղ նախագծերի «ՀՀ ԿԳՆ ԳՊԿ-ՀՀՌՀ - 2013» մրցույթի արդյունքները հայտնի են: