ՀՀ կրթության, գիտության, մշակույթի և սպորտի նախարարություն Բարձրագույն կրթության և գիտության կոմիտե

2012 թ. նոյեմբերի 4-11-ը ՀՀ ԿԳՆ գիտության պետական կոմիտեի նախագահ Ս. Հարությունյանն աշխատանքային այցով գտնվում էր Չինաստանի Ժողովրդական Հանրապետությունում: Պատվիրակության կազմում էին նաեւ «Քենդլ» ինստիտուտի տնօրեն Վասիլի Ցականովը, ԳՊԿ նախագահի խորհրդական Արա Օհանջանյանը:

ՀՀ ԿԳՆ ԳՊԿ նախագահ Ս. Հարությունյանը հոկտեմբերի 31-ին «Էրեբունի» արգելոց-թանգարանում մասնակցել է Նախագահ Սերժ Սարգսյանի անցկացրած խորհրդակցությանը, որի ընթացքում քննարկվել են Հայաստանում հնագիտության ընդհանուր վիճակը եւ նոր ծրագրերը:

ՀՀ ԿԳՆ գիտության պետական կոմիտեի նախագահը հոկտեմբերի 17-19-ը Մինսկում մասնակցել է Հիմնարար գիտությունների բնագավառում ԱՊՀ մասնակից պետությունների խորհրդի նիստին՝ որպես խորհրդի անդամ:

Հոկտեմբերի 5-ին ՀՀ ԿԳՆ գիտության պետական կոմիտեն անցկացրեց բաց հանրային քննարկում  «Գիտական եւ գիտատեխնիկական գործունեության մասին» ՀՀ օրենքի նախագծի  վերաբերյալ:

Հոկտեմբերի 4-ին ՀՀ ԿԳՆ գիտության պետական կոմիտեում կնքվեց համագործակցության պայմանագիր կոմիտեի եւ Thomson Reuters ընկերության միջեւ:

Ս.թ. օգոստոսի 20-ին ՀՀ ԿԳՆ գիտության պետական կոմիտեն եւ Հիմնարար հետազոտությունների ռուսաստանյան հիմնադրամը հայտարարել են հայ - ռուսական հիմնարար գիտական հետազոտությունների համատեղ նախագծերի «ՀՀ ԿԳՆ ԳՊԿ - ՀՀՌՀ - 2013» մրցույթ: Մրցույթի  հայտերի ընդունման վերջնաժամկետ նախատեսված էր հոկտեմբերի 1-ը, սակայն, հաշվի առնելով այն հանգամանքը, որ ռուսական կողմը հայտերի ընդունման ժամկետը երկարաձգել է մինչեւ ս. թ. հոկտեմբերի 2-ը ներառյալ, ՀՀ ԿԳՆ գիտության պետական կոմիտեն եւս հայտերը կընդունի մինչեւ նշված ժամկետի ավարտը:

ՀՀ ԿԳՆ գիտության պետական կոմիտեն կազմակերպում է հանրային քննարկում «Գիտական եւ գիտատեխնիկական գործունեության մասին» ՀՀ օրենքի նախագծի վերաբերյալ:

Քննարկումը տեղի կունենա սույն թվականի հոկտեմբերի 5-ին , ժամը 11.00-ին ՀՀ գիտությունների ազգային ակադեմիայում: