ՀՀ կրթության, գիտության, մշակույթի և սպորտի նախարարություն Բարձրագույն կրթության և գիտության կոմիտե

2010 թվականի մայիսի 27-ին  ՀՀ կառավարության նիստում կքննարկվեն հետևյալ որոշումների նախագծերը՝

1. «Գիտության ոլորտի զարգացման ռազմավարությանը հավանություն տալու մասին»,

2. «Հայաստանի Հանրապետությունում գիտության և տեխնիկայի զարգացման 2010-2014 թվականների գերակայությունները սահմանելու և Հայաստանի Հանրապետության կառավարության 2002 թվականի օգոստոսի 15-ի N 1302-Ն որոշումն ուժը կորցրած ճանաչելու մասին»:

ՀՀ ԿԳՆ գիտության պետական կոմիտեի աշխատակազմի ղեկավար Կարեն Հայրապետյանը մայիսի 19-21-ը Թբիլիսիում մասնակցեց «Միջին Ասիան եւ Կովկասը գիտության հորիզոնում» խորագրով միջազգային գիտաժողովին: Գիտաժողովը կազմակերպվել էր «Ֆոլցվագեն» հիմնադրամի կողմից: 

Մայիսի 17-ին Ծաղկաձորում մեկնարկեց ՀՀ ԿԳՆ գիտության պետական կոմիտեի աջակցությամբ կազմակերպված «Սոլվատացիոն եւ իոնական էֆեկտները բիոմոլեկուլային ճանաչողության մեջ. տեսությունից դեպի էքսպերիմենտ» վերնագրով միջազգային գիտաժողովը:

2010 թվականի մայիսի 6-ից 9-ը Հայաստանի Հանրապետության կրթության եւ գիտության նախարարության գիտության պետական կոմիտեի նախաձեռնությամբ Ջերմուկում կազմակերպվեց «Գիտության զարգացման հիմնահարցերը Հայաստանի Հանրապետությունում» խորագիրը կրող գիտաժողովը:

Մայիսի 7-ին ՀՀ ԿԳՆ գիտության պետական կոմիտեի նախագահ Ս. Հարությունյանը եւ Հիմնարար հետազոտությունների ռուսաստանյան հիմնադրամի նախագահ Վ. Պանչենկոն ստորագրել են համաձայնագիր՝ Կոմիտեի եւ Հիմնադրամի համագործակցության վերաբերյալ: 

Մայիսի 7-ին Ջերմուկում մեկնարկեց «Գիտության զարգացման հիմնահարցերը Հայաստանի Հանրապետությունում» գիտաժողովը, որը կազմակերպել են  ՀՀ կրթության եւ գիտության նախարարության գիտության պետական կոմիտեն եւ Երեւանի ճարտարապետության եւ շինարարության պետական համալսարանը:

Մայիսի 6-ին ՀՀ կառավարության նիստում քննարկվել եւ ընդունվել է «Սինքրոտրոնային ճառագայթման արագացուցիչ հենքի վրա «Քենդլ» միջազգային կենտրոնի նախագծի իրականացման միջոցառումների և պատասխանատու նշանակելու մասին» որոշումը: