ՀՀ կրթության, գիտության, մշակույթի և սպորտի նախարարություն Բարձրագույն կրթության և գիտության կոմիտե

ՀՀ կառավարության՝ սեպտեմբերի 29-ի որոշմամբ հաստատվել է 2023 թ.-ին իրականացվելիք գիտական և գիտատեխնիկական պետական նպատակային ծրագրերի ցանկը: Ցանկում ներառված է ութ պետական նպատակային ծրագիր, որոնցից 7-ը ներկայացված են ՀՀ կրթության, գիտության, մշակույթի և սպորտի նախարարության կողմից, 1-ը՝ ՀՀ բարձր տեխնոլոգիական արդյունաբերության նախարարության:

ՀՀ ԿԳՄՍ նախարարի հրամանով հաստատվել է «Հայաստանի Հանրապետության գիտական համայնքին արտերկրի գիտնականների ինտեգրմանն աջակցության ծրագիր» միջազգային մրցույթի արդյունքում ֆինանսավորման երաշխավորված գիտական թեմաների ցանկը։

ՀՀ ԿԳՄՍ նախարարի հրամանով հաստատվել է «Ասպիրանտների և երիտասարդ հայցորդների հետազոտությունների աջակցության ծրագիր - 2022» մրցույթի արդյունքներով ֆինանսավորման երաշխավորված գիտական թեմաների ցանկը: Ցանկում ընդգրկվել է 26 գիտական թեմա: 

Սեպտեմբերի 19-23-ը Ծաղկաձոր քաղաքում տեղի ունեցավ «Մաթեմատիկական անալիզ և դիֆերենցիալ հավասարումներ» թեմայով միջազգային գիտաժողովը: Հայաստանի կողմից զեկուցումներով հանդես եկավ 25, իսկ արտերկրներից՝ 43 գիտնական: Գիտաժողովին ֆինանսական աջակցություն է ցուցաբերել նաև Գիտության կոմիտեն։

Գիտության կոմիտեն կազմակերպում է ՀՀ պետական բյուջեի հաշվին իրականացվող  գիտական և գիտատեխնիկական գործունեության պայմանագրային (թեմատիկ) ֆինանսավորման շրջանակներում երկակի նշանակության ծրագրերի աջակցության գիտական թեմաների hայտերի ընտրության մրցույթ: Վերջնաժամկետը 2022 թվականի նոյեմբերի 4-ն է։