ՀՀ կրթության, գիտության, մշակույթի և սպորտի նախարարություն Բարձրագույն կրթության և գիտության կոմիտե

ՀՀ ԿԳՆ  գիտության պետական կոմիտեում կազմակերպվել է 2011-2012 թթ. գիտական եւ գիտատեխնիկական գործունեության պայմանագրային (թեմատիկ) ֆինանսավորմամբ իրականացված գիտական թեմաների ընթացիկ հաշվետվությունների գիտական փորձաքննությունը: Հաշվետվությունները եւ փորձաքննության արդյունքները տրամադրվել են համապատասխան բնագավառների մասնագիտական փորձագիտական հանձնաժողովներին եւ հաստատվել նրանց կողմից:

Մայիսի 24-ին ՀՀ կառավարության նիստում ընդունվել է որոշում «Քենդլ» սինքրոտրոնային հետազոտությունների ինստիտուտ» հիմնադրամ հիմնադրելու մասին»:

«Գիտաժողովի կազմակերպման ֆինանսական աջակցության տրամադրման կարգի» համաձայն՝ 2012 թվականին նախատեսվող գիտաժողովների կազմակերպման համար ֆինանսական աջակցություն ստանալու նպատակով գիտական կազմակերպությունների կողմից ՀՀ ԿԳՆ գիտության պետական կոմիտե է ներկայացվել ֆինանսական աջակցության տրամադրման 37 հայտ:

ՌԴ-ում գտնվելու ընթացքում Ս. Հարությունյանը մասնակցել է ապրիլի 4-5-ին Դուբնայում կայացած «Ինովացիա: ԱՊՀ: Ապագա» թեմայով միջազգային ֆորումին: Այն կազմակերպել էին ԱՊՀ նանոտեխնոլոգիաների միջազգային ինովացիոն կենտրոնը եւ Միջուկային հետազոտությունների միացյալ ինստիտուտը՝ ԱՊՀ անդամ երկրների միջպետական հումանիտար հիմնադրամի աջակցությամբ:

ՀՀ ԿԳՆ ԳՊԿ նախագահ Ս. Հարությունյանը ՌԴ Դուբնա քաղաքում 2012 թ. մարտի 26-27-ը մասնակցել է  Միջուկային հետազոտությունների միացյալ ինստիտուտի անդամ պետությունների կառավա­րությունների լիազոր ներկայացուցիչների կոմիտեի նստաշրջանին: