ՀՀ կրթության, գիտության, մշակույթի և սպորտի նախարարություն Բարձրագույն կրթության և գիտության կոմիտե

Գիտության կոմիտեն կազմակերպում է գիտական և գիտատեխնիկական գործունեության պայմանագրային (թեմատիկ) ֆինանսավորման նպատակով գիտական թեմաների հայտերի ընտրության «Հայաստանի Հանրապետության գիտական համայնքին արտերկրի գիտնականների ինտեգրմանն աջակցության ծրագիր» մրցույթը: Հայտը լրացնելու վերջնաժամկետը 2022 թ. օգոստոսի 5-ն է:

ՀՀ գիտության կոմիտեն կազմակերպում է գիտության ոլորտում ենթակառուցվածքի, նյութատեխնիկական բազայի արդիականացման համար ֆինանսական աջակցության տրամադրման հայտերի ընտրության ՄՐՑՈՒՅԹ: Հայտերի ներկայացման վերջնաժամկետն է 2022 թ. սեպտեմբերի 9-ը:

Ռուսաստանի գիտությունների ակադեմիան այսօր՝ հունիսի 1-ին` Մոսկվայի ժամանակով ժամը 12:00-ին, կբացի առցանց դասընթացների հարթակը` «Lectorium»-ը: Հասանելի կլինի տարբեր թեմաներով 10 դասընթաց, այդ թվում՝ փիլիսոփայության, մոլեկուլային կենսաբանության, կլիմայի, կիբերանվտանգության, քվանտային մեխանիկայի և շրջակա միջավայրի մշտադիտարկման դասընթացներ:

«Ձեռնարկությունների ինկուբատոր» հիմնադրամը PMI Science-ի աջակցությամբ իրականացնում է ծրագրեր ասպիրանտների և հետազոտական թիմերի համար: Խոսքը Ասպիրանտների աջակցության 2022 թվականի և Հետազոտական աշխատանքների ֆինանսավորման (Faculty Research Funding) ծրագրերի մասին է:

ՀՀ ԿԳՄՍՆ գիտության կոմիտեի, ՀՀ գիտությունների ազգային ակադեմիայի և ՉԺՀ բնական պաշարների նախարարության երկրի արբանյակային հեռազննման կիրառության  կենտրոնի միջև ստորագրվել է «Արբանյակային պատկերների կիրառման ոլորտում համագործակցության մասին» փոխըմբռնման հուշագիր: