RADIANCE ծրագրի շրջանակում կազմակերպվում է HABEMUS առցանց բրոքերային միջոցառումը, որը նվիրված է «MSCA» դոկտորական ցանցերի կրթաթոշակային մրցույթին (MSCA Doctoral Networks 2026)։ Միջոցառման…

Հաստատվել են 2026 թվականի 3-րդ՝ լրացուցիչ փուլի միասնական քննությունների օրերը. հուլիսի 5-ին՝ «Կենսաբանություն», «Աշխարհագրություն» հուլիսի 6-ին՝ «Օտար լեզուներ»/անգլերեն, ֆրանսերեն, գերմաներեն,…

Սիրելի քաղաքացիներ, Հայաստանի Հանրապետության Սահմանադրության օրը ևս մեկ առիթ է վերհիշելու, որ կայուն, ժողովրդավարական և բարեկեցիկ պետությունը կայանում է ոչ միայն ամուր ինստիտուտների, այլև կիրթ, արժանապատիվ, պատասխանատու և ազատ քաղաքացու շնորհիվ։ Այդ քաղաքացու կայացման և հզորացման ճանապարհին առանցքային են կրթությունն ու գիտությունը, ակադեմիական և հետազոտական ազատությունը։ Հանրապետության մայր օրենքը ոչ միայն ամրագրում է յուրաքանչյուրի կրթության, ազատ ստեղծագործելու և գիտական հետազոտությամբ զբաղվելու, ստացված գիտելիքը կիրառելու և փոխանցելու իրավունքը, այլև ընդգծում է պետության հոգածությունը կրթության և գիտության ոլորտների զարգացման նկատմամբ, որն իր հերթին միտված է քաղաքացու և պետության ուժեղացմանը։ Խարսխվելով այս սահմանադրական դրույթների վրա՝ «Բարձրագույն կրթության և գիտության մասին» նոր օրենքը դրանք ձևակերպում է համակարգային ոլորտային քաղաքականության տեսքով՝ շեշտադրելով միջազգային մակարդակում մրցունակ մասնագետների պատրաստումը, ակադեմիական և հետազոտական ազատությունը, ակադեմիական էթիկան, ներառականությունը, կրթության և հետազոտությունների գերազանցությունը, ինչպես նաև գիտության ու կրթության աճող փոխկապակցվածությունը երկրի հանրային, տնտեսական և տեխնոլոգիական առաջընթացին։ Բարձրագույն կրթության և գիտության կոմիտեն շնորհավորում է բոլորին Սահմանադրության օրվա առթիվ՝ մաղթելով, որ մայր օրենքով ամրագրված արժեքները շարունակեն ամենօրյա իրականություն դառնալ թե՛ կրթական հաստատություններում, թե՛ գիտական միջավայրում, թե՛ հանրային կառավարման ոլորտում, թե՛ յուրաքանչյուրի քաղաքացիական վարքագծում։